Dewa Tatwa - Yadnya

“DEWA TATWA“

MIWAH TÉGÉS IPUN

MANGGE RIKALA NANGUN YADNYA

 KASALIN OLIH:

I Kadek Suparta

SEKEHA SANTHI “GITA SWASTIKA”

BANJAR KETAPANG

DESA ADAT KEDONGANAN

Kramanya sang kumingkin akarya

          Paridabdab sang sane pacang nangun yadnya

Sanista, Madhya, Uttama

          Yadnya sane nista, madya, lan utama

Manah léga dadi ayu

          Pikayunan ledang pacang ngawétuang karahayuan

Aywa ngalém drawya

          Sampunang kalintang pariangén ring arta brana

Mwang kumutug kaliliraning wang uttama

          Taler ngétut pidabdab sang maraga utama

Aywa mangambékang krodha mwang ujar gangsul

          Sampunang mapikayun brangti lan ngandika bangras

Ujar menak juga kawédar denira

          Wacana banban alus sane patut kabawosang

Mangkana kramaning sang ngarépang karya

          Asapunika parikrama sang nangun yadnya

Aywa simpangin budhi mwang krodha

          Sampunang mimpas saking pikayun becik, napi malih pacang brangti

Aywa kasingsal

          Sampunang matungkasan lan salit arsa

Apan ring yajna, tan wénang kacacaban

          Santukan pamargin yadnya tan dados kalétéhin

Kacampuhan manah weci

          Kacampuh antuk pikayunan iri drénggi

Ambék branta, sabda parusya

          Pikayunan kroda, pangandika sane bangras

Ikang manah sthiti jati nirmala juga

          Pikayunan sane sujati ngastiti lan suci nirmala

Maka sidhaning karya

          Sane pacang ngawétuang labda karya

Marganing amanggih sadya rahayu

          Pamargi nemuang karahajéngan

Kasidhaning panuju

          Lan kasidaning sane kaapti

Mangkana kengétakna, estu phalanya

          Asapunika mangda kaelingin, labda karya palanya