SASTRA ARTOS GAGURITAN
“BABAD PANDE”
OLIH: I KADEK SUPARTA
KEDONGANAN – KUTA
Januari 2013
KAARTOS SAKING:
GAGURITAN BABAD PANDE
OLIH: I KETUT RUMA
JASRI - KARANGASEM
MAHA SEMAYA WARGA PANDE KARANGASEM
April 2007
- Riantukan dereng mawasta puput pakaryan keris pajenengan
Punika sane
mawinan kroda brangti Si Ken Arok
Saha mamuduh
nuwek nusuk Ida Pandita
Mawinan Ida Mpu
lebar mantuk ring Swarga loka
- Inggih, kadi asapunika mungguh caritane sane dumun
Nanging wenten
okan Ida Sang Mpu
Tuah wenten
kakalih sunu kari nyeneng
Sane kelihan
maparab Ida Mpu Gandu
- Sane kaping rwa, sane alitan maparab Ida Mpu Galuh
Makasami jenek
malungguh irika ring Jawi Dwipa
Wantah sineb
jenek dumun kadi asapunika
Pidaging
kawentenan Ida kacaritayang
PUPUH GINANTI
- Sane mangkin caritayang kawentenan Ida Mpu Brahma Raja
Irika ring
wawengkon Madura Pura jenek malungguh
Siosan ring
punika, Ida Mpu taler kaparabin
Ida Mpu Pandya
Bumi Sakti
Lantur raris
ngeranjing Grahasta, sampun madrebe stri utami
Nenten asuwe
gelis maduwe sunu kakalih
No comments:
Post a Comment