Gaguritan Babad Pande 2

SASTRA ARTOS GAGURITAN

“BABAD PANDE”

OLIH: I KADEK SUPARTA

KEDONGANAN – KUTA

Januari 2013

KAARTOS SAKING:

GAGURITAN BABAD PANDE

OLIH: I KETUT RUMA

JASRI - KARANGASEM

MAHA SEMAYA WARGA PANDE KARANGASEM

April 2007

OM AWIGHNAM ASTU NAMO SIDDHAM

Om Vedatmana ya vidmahe

Hiranya garbha ya dhimahi

Tanno Brahma prachodayat

Om Saraswati namostubhyam

Varade kama rupini

Sidharamba karisyami

Sidhir bhavantume sadha

Om Swastyastu,

Sangkaning rasa bakti, purun prasangga tiang ngaturang Sastra Artos Gaguritan Babad Pande puniki majeng ring Ida Dane sinareng sami, mustikannyane para semeton Warga Pande ring sajebag Bali. Majeng ring Bapak Ketut Ruma, titiang nunas kaledangan riantukan Sastra Artos Gaguritan puniki kaartos saking Buku Babad Pande kakawian druwene. Suksma aturang titiang majeng ring Jro Mangku Mupu lanang istri saking Jroan Gunaksa - Klungkung, riantukan sangkaning pawarah-warah Dane, titiang ngawitin makarya Sastra Artos puniki.

Inggih asapunika pidaging panyembrama titiang. Tan lali titiang maragayan dahat wimuda, kalintang tambet, nunas agung pangampura indik kirang langkung daging pangartosan titiang.

Om Shanti Shanti Shanti Om

                                                                                                Kedonganan, 20 Januari 2013

                                                                                                Pangartos,

                                                                                                I Kadek Suparta

                                                                                               

                                                                                                                                FB: kd.suparta@gmail.com

3. Dumogi prasida paripurna labda karya

Sangkaning garjitan manah makarya pupuh gaguritan

Kaatur ring Ida Sang Hyang Kawiswara pinaka Dewaning Sastra

Sang maragayan wibhuh ring sastra kakawian

Tan lali titiang nunans geng pangampura pangaksama

Riantukan ngawinang kawon lan ala

Dumilah pakaryan Sang Hyang Kawiswara

Wantah dewek titiang wimuda mapi-mapi wikan

Tan bina angaduk-aduk pangkah ngurit sastra

4. Doh para titiang pacang mresidayang

Yaning jagi nyamen pada pakaryan sang pradnyan ring sastra

Tan bina kadi akasa lan pertiwi, langit lan gumi

Wantah kadi asapunika yaning nirgamayang

Nanging sangkaning rasa dread subakti

Maring linggih Ida Bhatara Kawitan

Lan santukan wenten pikayun para prethi sentana

Mangdane titiang makarya sastra cacarikan

Sahananing sastra sane kasurat ring Babad Pande.