Rg Veda Mandala I Sukta 4

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

APRIL 2014

SUKTA 4

I.4.1    

surūpakr̥tnúm ūtáye

sudúghām iva godúhe

juhūmási dyávi-dyavi

I.4.2    

úpa naḥ sávanā́ gahi

sómasya somapāḥ piba

godā́ íd reváto mádaḥ

I.4.3    

áthā te ántamānãṃ

vidyā́ma sumatīnã́m

mā́ no áti khya ā́ gahi

I.4.4    

párehi vígram ástr̥tam

índram pr̥chā vipaścítam

yás te sákhibhya ā́ váram

I.4.5    

utá bruvantu no nído

nír anyátaś cid ārata

dádhānā índra íd dúvaḥ

I.4.6    

utá naḥ subhágām̐ arír

vocéyur dasma kr̥ṣṭáyaḥ

syā́méd índrasya śármaṇi

I.4.7    

ém āśúm āśáve bhara

yajñaśríyaṃ nr̥mā́danam

patayán mandayátsakham

I.4.8    

asyá pītvā́ śatakrato

ghanó vr̥trā́ṇām abhavaḥ

prā́vo vā́jeṣu vājínam

I.4.9    

táṃ tvā vā́jeṣu vājínaṃ

vājáyāmaḥ śatakrato

dhánānām indra sātáye

I.4.10    

yó rāyó avánir mahā́n

supāráḥ sunvatáḥ sákhā

tásmā índrāya gāyata