Kakawin Aji Palayon 11

KAKAWIN

“AJI PALAYON“

MIWAH TÉGÉS IPUN

MANGGE RIKALA PITRA YADNYA

KASALIN LATIN OLIH:

I Kadek Suparta

SEKEHA SANTHI “GITA SWASTIKA”

BANJAR KETAPANG

DESA ADAT KEDONGANAN

April 2015

 

Om Awighnam Astu Nama Siddham

Pasalin 1

Sronca wilangan kécap miwah guru lagu tan manggéh

51.             Lumampah mangke sang warātma

Mangkin mamargi ida sang atma

Jumujug maring sanggar mangke

              Manuju pamrajane mangkin

Mamursiteng sang hyang tri purusha

              Ngastawa ring Ida Bhatara Tiga Sakti

Lingnyā lindi angétus hrédaya

                   Aturnyane nyunyur waluya ngétus kayun

52.             Ōm astutingku ri dhuli jéng bhatara

     Inggih pangubaktin titiang ring bukpadan Bhatara

Ākāsangku kita tāmoli

              Langit titiange i ratu tan wentén malih tiosan

Ulun mamuit mangke ri jéngta bhatara

     Titiang mapamit mangkin ring bukpadan i ratu

Ri hlém ulun mahulunan mwah  

              Pungkuran malih titiang tangkil mamarékan

53.             Tan malupa ulun ri karunan sang hyang

Nentén lali titiang ring swecan Ratu Bhatara

Lana bhatara maweh sarana

                   Satata Ratu Bhatara mapica pamargi

Angge ulun dadi preta nirmala

              Ngardi titiang dados atma suci

Mamangguh awan mareng suarga

              Ngamanggihin margi ka swarga loka

54.             Wantén wandhu wargan ulun kari

Wentén sapanyaman titiange kari

Moga bhatara anuragana

              Dumugi Ratu sweca

Maweh swasti rī sira kabeh

              Ngicen ipun karahajéngan sami

Rapwan sira kadirgayusan

              Mangda ipun sami tutug tuwuh

55.             Bhatara pūrwaka wawang mojar

Ida Bhatara Kawitan gélis manyawis

Udhuh bapa ibu sang warātma

              Uduh bapa ibu sang atma luwih

Astu sira mamangguh suratya

              Dumadak i dewa manggih swarga

Olih sthana ri swarga loka

              Mapikolih génah ring swarga loka