Gaguritan Babad Pande 4

SASTRA ARTOS GAGURITAN

“BABAD PANDE”

OLIH: I KADEK SUPARTA

KEDONGANAN – KUTA

Januari 2013

KAARTOS SAKING:

GAGURITAN BABAD PANDE

OLIH: I KETUT RUMA

JASRI - KARANGASEM

MAHA SEMAYA WARGA PANDE KARANGASEM

April 2007

9. Kacaritayang duk linggih Ida Mpu Wita Dharma

Jenek malinggih ring jagad Jawi Keling

Ring galah sane kalintang-lintang riin

Wantah sampun Ida Pandita madrebe sunu

Jalu lanang maka kalih okan Ida

Oka sane kelihan maparab Mpu Bajra Satwa

10. Sane alitan maparab Mpu Dwijendra Raja Kerta

Saha sane mangkin lantur punang carita

Oka sane kelihan, sane maparab Mpu Bajra Satwa

Maduwe sunu tunggal adiri

Sane mapuspata Mpu Tanuhun

Maragayan dahating wikan, saha utama ring kasidhian jnanan Ida

PUPUH SINOM

11. Mangkin lanturang carita indik Ida Mpu Tanuhun

Mawasta sampun madrebe stri utami

Nenten asuwe raris maduwe sunu lalima

Jalu lanang maka sami okan Ida Sang Pandita

Dewa Ratu, putran Ida maka sami wikan lan mabudi luwih

Sane pinih duwur mapuspata Mpu Geni Jaya

Sane kaping kalih, maparab Mpu Semeru

Sunu kaping tiga wantah Mpu Gana

Oka kaping patpat wantah Mpu Kuturan, lan Mpu Baradah sane pinih alit

12. Lanturang carita sane mangkin, sapamargin Ida Mpu Geni Jaya

Lunga prapta ring jagat sane kasengguh Bali Dwipa

Ten wenten sios ring rahina Wraspati Umanis wuku Dungulan

Sane kaapti antuk Ida, wantah ersanya utawi ngaler nganginang

Saha salanturnyane jenek meneng ring jagat Bali

Wantah Ida sane maragayan Bhatara Kawitan

Sane nedunang para wargi Pasek ring jagat Bali

Saha lantur sane kasengguh Maha Gotra Pasek Sanak Sapta Rsi