Rg Veda Mandala I Sukta 18

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

April 2015

SUKTA 18

I.18.1    

somā́naṃ suáraṇaṃ

kr̥ṇuhí brahmaṇas pate

kakṣī́vantaṃ yá auśijáḥ

I.18.2   

yó revā́n yó amīvahā́

vasuvít puṣṭivárdhanaḥ

sá naḥ siṣaktu yás turáḥ

I.18.3    

mā́ naḥ śáṃso áraruṣo

dhūrtíḥ práṇaṅ mártiyasya

rákṣā ṇo brahmaṇas pate

I.18.4    

sá ghā vīró ná riṣyati

yám índro bráhmaṇas pátiḥ

sómo hinóti mártiyam

I.18.5    

tuváṃ tám brahmaṇas pate

sóma índraś ca mártiyam

dákṣiṇā pātu áṃhasaḥ

I.18.6    

sádasas pátim ádbhutam

priyám índrasya kā́miyam

saním medhā́m ayāsiṣam

I.18.7    

yásmād r̥té ná sídhyati

yajñó vipaścítaś caná

sá dhīnā́ṃ yógam invati

I.18.8    

ā́d r̥dhnoti havíṣkr̥tim

prā́ñcaṃ kr̥ṇoti adhvarám

hótrā devéṣu gachati

  

I.18.9    

nárāśáṃsaṃ sudhŕ̥ṣṭamam

ápaśyaṃ sapráthastamam

divó ná sádmamakhasam