Rg Veda Mandala I Sukta 17

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

April 2015

SUKTA 17

I.17.1    

índrāváruṇayor aháṃ

samrā́jor áva ā́ vr̥ṇe

tā́ no mr̥̄ḷāta īdŕ̥śe

I.17.2    

gántārā hí stho ávase

hávaṃ víprasya mā́vataḥ

dhartā́rā carṣaṇīnã́m

I.17.3    

anukāmáṃ tarpayethām

índrāvaruṇa rāyá ā́

tā́ vāṃ nédiṣṭham īmahe

I.17.4    

yuvā́ku hí śácīnãṃ

yuvā́ku sumatīnã́m

bhūyā́ma vājadā́vnãm

I.17.5    

índraḥ sahasradā́vnãṃ

váruṇaḥ śáṃsiyānãm

krátur bhavati ukthíyaḥ

I.17.6    

táyor íd ávasā vayáṃ

sanéma ní ca dhīmahi

siyā́d utá prarécanam

I.17.7   

índrāvaruṇa vām aháṃ

huvé citrā́ya rā́dhase

asmā́n sú jigyúṣas kr̥tam

I.17.8    

índrāvaruṇa nū́ nú vāṃ

síṣāsantīṣu dhīṣú ā́

asmábhyaṃ śárma yachatam

I.17.9   

prá vām aśnotu suṣṭutír

índrāvaruṇa yā́ṃ huvé

yā́m r̥dhā́the sadhástutim