Rg Veda Mandala I Sukta 15

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

April 2015

SUKTA 15

I.15.1   

índra sómam píba rtúnā

ā́ tvā viśantu índavaḥ

matsarā́sas tádokasaḥ

I.15.2    

márutaḥ píbata rtúnā

potrā́d yajñám punītana

yūyáṃ hí ṣṭhā́ sudānavaḥ

I.15.3   

abhí yajñáṃ gr̥ṇīhi no

gnā́vo néṣṭaḥ píba rtúnā

tuváṃ hí ratnadhā́ ási

I.15.4    

ágne devā́m̐ ihā́ vaha

sādáyā yóniṣu triṣú

pári bhūṣa píba rtúnā

I.15.5    

brā́hmaṇād indra rā́dhasaḥ

píbā sómam r̥tū́m̐r ánu

távéd dhí sakhyám ástr̥tam

I.15.6    

yuváṃ dákṣaṃ dhr̥tavrata

mítrāvaruṇa dūḷábham

r̥túnā yajñám āśathe°

I.15.7    

draviṇodā́ dráviṇaso

grā́vahastāso adhvaré

yajñéṣu devám īḷate

I.15.8    

draviṇodā́ dadātu no

vásūni yā́ni śr̥ṇviré

devéṣu tā́ vanāmahe

I.15.9    

draviṇodā́ḥ pipīṣati

juhóta prá ca tiṣṭhata

neṣṭrā́d r̥túbhir iṣyata

I.15.10    

yát tvā turī́yam r̥túbhir

dráviṇodo yájāmahe

ádha smā no dadír bhava

  

I.15.11    

áśvinā píbatam mádhu

dī́diagnī śucivratā

r̥túnā yajñavāhasā

I.15.12    

gā́rhapatyena santiya

r̥túnā yajñanī́r asi

devā́n devayaté yaja