Rg Veda Mandala I Sukta 3

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

APRIL 2014

SUKTA 3

I.3.1    

áśvinā yájvarīr íṣo

drávatpāṇī śúbhas patī

púrubhujā canasyátam

I.3.2    

áśvinā púrudaṃsasā

nárā śávīrayā dhiyā́

dhíṣṇiyā vánataṃ gíraḥ

I.3.3    

dásrā yuvā́kavaḥ sutā́

nā́satyā vr̥ktábarhiṣaḥ

ā́ yātaṃ rudravartanī

I.3.4    

índrā́ yāhi citrabhāno

sutā́ imé tuvāyávaḥ

áṇvībhis tánā pūtā́saḥ

I.3.5    

índrā́ yāhi dhiyéṣitó

víprajūtaḥ sutā́vataḥ

úpa bráhmāṇi vāghátaḥ

I.3.6    

índrā́ yāhi tū́tujāna

úpa bráhmāṇi harivaḥ

suté dadhiṣva naś cánaḥ

I.3.7    

ómāsaś carṣaṇīdhr̥to

víśve devāsa ā́ gata

dāśvā́ṃso dāśúṣaḥ sutám

I.3.8    

víśve devā́so aptúraḥ

sutám ā́ ganta tū́rṇayaḥ

usrā́ iva svásarāṇi

I.3.9    

víśve devā́so asrídha

éhimāyāso adrúhaḥ

médhaṃ juṣanta váhnayaḥ

I.3.10    

pavākā́ naḥ sárasvatī

vā́jebhir vājínīvatī

yajñáṃ vaṣṭu dhiyā́vasuḥ

I.3.11    

codayitrī́ sūnŕ̥tānāṃ

cétantī sumatīnã́m

yajñáṃ dadhe sárasvatī

I.3.12    

mahó árṇaḥ sárasvatī

prá cetayati ketúnā

dhíyo víśvā ví rājati