Rg Veda Mandala I Sukta 6

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

APRIL 2014

SUKTA 6

I.6.1    

yuñjánti bradhnám aruṣáṃ

cárantam pári tasthúṣaḥ

rócante rocanā́ diví

I.6.2    

yuñjánti asya kā́miyā

hárī vípakṣasā ráthe

śóṇā dhr̥ṣṇū́ nr̥vā́hasā

I.6.3    

ketúṃ kr̥ṇvánn aketáve

péśo maryā apeśáse

sám uṣádbhir ajāyathāḥ

I.6.4    

ã́d áha svadhā́m ánu

púnar garbhatvám eriré

dádhānā nā́ma yajñíyam

I.6.5    

vīḷú cid ārujatnúbhir

gúhā cid indra váhnibhiḥ

ávinda usríyā ánu

I.6.6    

devayánto yáthā matím

áchā vidádvasuṃ gíraḥ

mahā́m anūṣata śrutám

I.6.7   

índreṇa sáṃ hí dŕ̥kṣase

saṃjagmānó ábibhyuṣā

mandū́ samānávarcasā

I.6.8   

anavadyaír abhídyubhir

makháḥ sáhasvad arcati

gaṇaír índrasya kā́miyaiḥ

I.6.9    

átaḥ parijman ā́ gahi

divó vā rocanā́d ádhi

sám asminn r̥ñjate gíraḥ

I.6.10   

itó vā sātím ī́mahe

divó vā pā́rthivād ádhi

índram mahó vā rájasaḥ