Rg Veda Mandala I Sukta 11

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

APRIL 2014

SUKTA 11

I.11.1    

índraṃ víśvā avīvr̥dhan

samudrávyacasaṃ gíraḥ

rathī́tamaṃ rathī́nãṃ

vā́jānāṃ sátpatim pátim

I.11.2    

sakhyé ta indra vājíno

mā́ bhema śavasas pate

tuvā́m abhí prá ṇonumo

jétāram áparājitam

I.11.3    

pūrvī́r índrasya rātáyo

ná ví dasyanti ūtáyaḥ

yádī vā́jasya gómata

stotŕ̥bhyo máṃhate maghám

I.11.4    

purā́m bhindúr yúvā kavír

ámitaujā ajāyata

índro víśvasya kármaṇo

dhartā́ vajrī́ puruṣṭutáḥ

I.11.5    

tuváṃ valásya gómato

ápāvar adrivo bílam

tuvā́ṃ devā́ ábibhyuṣas

tujyámānāsa āviṣuḥ

I.11.6    

távāháṃ śūra rātíbhiḥ

práty āyaṃ síndhum āvádan

úpātiṣṭhanta girvaṇo

vidúṣ ṭe tásya kārávaḥ

I.11.7    

māyā́bhir indra māyínaṃ

tuváṃ śúṣṇam ávātiraḥ

vidúṣ ṭe tásya médhirās

téṣāṃ śrávāṃsi út tira

I.11.8    

índram ī́śānam ójasā

abhí stómā anūṣata

sahásraṃ yásya rātáya

utá vā sánti bhū́yasīḥ