Rg Veda Mandala I Sukta 7

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

APRIL 2014

SUKTA 7

I.7.1   

índram íd gāthíno br̥hád

índram arkébhir arkíṇaḥ

índraṃ vā́ṇīr anūṣata

I.7.2    

índra íd dháriyoḥ sácā

sámmiśla ā́ vacoyújā

índro vajrī́ hiraṇyáyaḥ

I.7.3   

índro dīrghā́ya cákṣasa

ā́ sū́ryaṃ rohayad diví

ví góbhir ádrim airayat

I.7.4   

índra vā́jeṣu no ava

sahásrapradhaneṣu ca

ugrá ugrā́bhir ūtíbhiḥ

I.7.5   

índraṃ vayám mahādhaná

índram árbhe havāmahe

yújaṃ vr̥tréṣu vajríṇam

I.7.6   

sá no vr̥ṣann amúṃ carúṃ

sátrādāvann ápā vr̥dhi

asmábhyam ápratiṣkutaḥ

I.7.7    

tuñjé-tuñje yá úttare

stómā índrasya vajríṇaḥ

ná vindhe asya suṣṭutím

I.7.8    

vŕ̥ṣā yūthéva váṃsagaḥ

kr̥ṣṭī́r iyarti ójasā

ī́śāno ápratiṣkutaḥ

I.7.9    

yá ékaś carṣaṇīnã́ṃ

vásūnãm irajyáti

índraḥ páñca kṣitīnã́m

I.7.10   

índraṃ vo viśvátas pári

hávāmahe jánebhiyaḥ

asmā́kam astu kévalaḥ