SASTRA ARTOS GAGURITAN
“BABAD PANDE”
OLIH: I KADEK SUPARTA
KEDONGANAN – KUTA
Januari 2013
KAARTOS SAKING:
GAGURITAN BABAD PANDE
OLIH: I KETUT RUMA
JASRI - KARANGASEM
MAHA SEMAYA WARGA PANDE KARANGASEM
April 2007
- Riantukan kalintang pascat Ida Pandita ring sahananing sastra aji lan tatwa
Minakadi
katatwan Pralina utawi pangleburan
Punika taler
tatwa indik Utpatti lan kawentenan kahuripan
Saha taler
pidaging saluiring Weda Sastra sane siosan
- Caritayang sapamadeg Ida Mpu Gandring ring Jawi Dwipa
Ngelarang
sahananing swadharma kawikuan
Setata teleb
seleg makarya salawara keris pusaka
Tumbak, galah,
lan sarwa sanjata sane siosan
- Makeh taler pusaka keris luwih kakaryanin, kaangge ngaruruh pangan
Punika taler
keris pusaka pajenengan
Sane kagamel
olih para bahudanda mantra
Makeh sane
sampun kakaryanin olih Ida Mpu
- Ring sadakala teleb makarya pusaka keris
Wantah sayuwakti
pikayun Sang Hyang Titah
Sampun mawasta
panumaya pacang mantuk
Mawali mulih
nuju gumi wayah sunya loka
No comments:
Post a Comment