Rg Veda Mandala I Sukta 9

“ṚG VEDA”

MANDALA I

DIEDIT OLEH: I KADEK SUPARTA

KEDONGANAN – KUTA

APRIL 2014

SUKTA 9

I.9.1    

índréhi mátsi ándhaso

víśvebhiḥ somapárvabhiḥ

mahā́m̐ abhiṣṭír ójasā

I.9.2    

ém enaṃ sr̥jatā suté

mandím índrāya mandíne

cákriṃ víśvāni cákraye

I.9.3   

mátsvā suśipra mandíbhi

stómebhir viśvacarṣaṇe

sácaiṣú sávaneṣu ā́

I.9.4   

ásr̥gram indra te gíraḥ

práti tvā́m úd ahāsata

ájoṣā vr̥ṣabhám pátim

I.9.5    

sáṃ codaya citrám arvā́g

rā́dha indra váreṇiyam

ásad ít te vibhú prabhú

I.9.6    

asmā́n sú tátra codaya

índra rāyé rábhasvataḥ

túvidyumna yáśasvataḥ

I.9.7    

sáṃ gómad indra vā́javad

asmé pr̥thú śrávo br̥hát

viśvā́yur dhehi ákṣitam

I.9.8    

asmé dhehi śrávo br̥hád

dyumnáṃ sahasrasā́tamam

índra tā́ rathínīr íṣaḥ

I.9.9    

vásor índraṃ vásupatiṃ

gīrbhír gr̥ṇánta r̥gmíyam

hóma gántāram ūtáye

I.9.10    

suté-sute níokase

br̥hád br̥hatá éd aríḥ

índrāya śūṣám arcati